२३ चैत, काठमाडौं । आइतबार एकैदिन ९० हजार सिलिण्डर ग्यास वितरण गरिएको छ ।
काठमाडौं उपत्याकासहित देशभर आइतबार विभिन्न ग्यास उद्योगका ९० हजार सात सय एक सिलिण्डर ग्यास वितरण भएको नेपाल आयल निगमका प्रवक्ता विनीतमणि उपाध्यायले जानकारी दिए ।
निगमले ग्यासको अभाव देखिएपछि वितरणमा जोड दिँदै आएको छ । शनिबार मात्रै देशैभर २४ हजार सिलिण्डर वितरण भएको थियो ।
निगमले निश्चित वर्गका लागि घुम्ती सेवामार्फत टेकुबाट वितण गरिरहेको ग्यास पनि प्रभावकारी भएको जनाएको छ ।
ग्यास अभाव भए÷नभएबारे जानकारी लिन निगमले हटलाइन पनि सञ्चालनमा ल्याएको छ । हटलाइन ११४६ सँगै पैसा नलाग्ने नम्बर १६६०–०१–१००२८ तथा ९८५१२७३४७९, ९८५१२७३४३१ र ९८५१२७३२६९ नम्बर निगमले सञ्चालनमा ल्याएको हो ।
