काठमाडौं । अन्तर्राष्ट्रिय क्रिकेट परिषद् (आइसिसी) को टी–२० विश्व वरियतामा नेपाल यथावत् स्थानमा रहेको छ । आइसिसीले सार्वजनिक गरेको नयाँ बरियताअनुसार नेपाल यसअघि रहेकाे १२औँ स्थानमै रहेको छ ।
टी–२० मा नेपाल ११ औँ स्थानसम्म पुगेको छ । टी–२०को विश्व वरियतामा पाकिस्तान शीर्ष स्थानमा, अष्ट्रेलिया दोस्रो, बेलायत तेस्रो, भारत चौथो र दक्षिण अफ्रिका पाँचौँ स्थानमा छन् । टी–२०को खेलाडी वरियताअन्तर्गत ब्याटिङतर्फ नेपालका पारस खड्का ६२ औँ स्थानमा रहेका छन् । यसअघि उनी ६० औं स्थानमा रहेका थिए ।
यसैगरी बलिङतर्फ नेपालका सन्दीप लामिछाने ८५ औँ स्थानमा रहेका छन् । यसअघि उनी ८३ औँ स्थानमा थिए । अलराउण्डरतर्फ पारस २७ औँ स्थानमा तथा सोमपाल कामी ६५औँ स्थान तथा करण केसी ७५ औँ स्थानमा छन् ।
